Bookmark！ 旅行海外簽賬要注意 2020信用卡大比拼

好多時我哋貪方便，都會用信用卡去海外購物，特別係去Outlet嘅時候唔想帶太多cash，信用卡方便之餘仲可以儲積分，不過海外簽賬可能涉及多項隱藏消費，亂咁碌卡隨時中伏，所以要提提大家以下四大注意事項，等各位安心購物之餘可以獲取最大優惠。

.

1.比較海外簽賬嘅交易手續費

在海外購物，往往會有外幣兌換率上嘅擔憂，然而唔同嘅信用卡機構會收取唔同嘅手續費。一般情況之下，好多人會使用銀聯信用卡避免手續費，但係要注意恆生同匯豐銀聯信用卡係會徵收1-1.2%嘅手續費。以下係常見信用卡機構嘅手續費

AMEX：2%

Visa：1.95%

MasterCard：1.95%

銀聯 (恆生)：1.2%

銀聯 (匯豐)：1%

JCB：1-1.95%

銀聯：0%

.

2.信用卡匯率各有差別

除咗考慮手續費開支，旅行期間亦要注意參考各信用卡匯率。例如去日本旅行嘅話，以JCB為最佳匯率，但係未計算手續費在內。不過一般銀聯信用卡 (非恆生及匯豐) 在亞洲使用比較普遍，JCB就喺日本較為普遍，而歐美國家多數以Visa及MasterCard為主流。所以喺出門之前先Check下邊張信用卡匯率係最抵用~

.

3.信用卡回贈各有不同

最近成日聽人講信用卡購物賺里數，係當中唔少發卡銀行推出唔同優惠鼓勵海外簽賬，如果想密密儲亞洲萬里通里數，星展、花旗及渣打銀行均提供HK$4=1里數嘅優惠。而海外簽賬嘅基本回贈，渣打、安信、花旗嘅信用卡均回贈2%Cash Dollar~，而手續費則平均為1.95%。

.

4.了解信用卡嘅周邊旅遊優惠

除了上述3個注意事項，有時信用卡機構會推出周邊優惠，例如提供海外退稅服務，例如使用恒生優越理財 World MasterCard提供網上退稅服務，覆蓋歐洲及韓國多達29個國家及地區，退稅金額達 325 美元或以上，可額外獲退稅金額10%嘅現金回贈。當然，除此之外其他信用卡或者會有其他唔同優惠，你哋可以上網進一步查詢自己張信用卡係咪有周邊旅遊優惠，唔好錯過優惠呀~

如果你哋plan緊去旅行嘅話，記得要買定旅遊保險呀！有咩事都有個保障呀！
依家成為Zwap Wallet會員嘅話，仲可以享6折購買STARR旅遊保險優惠呀，要去旅行嘅你哋記得唔好錯過呀！