FIRE 「資」多少

相信唔少同學仔(包括小編)都想30歲就可以退休🏖️，做自己鐘意做嘅嘢，咁唔知你哋又有冇聽過FIRE依個concept呢?🔥 今日就等小編同大家講下咩係FIRE 啦!

1️⃣FIRE 係咩?🤔

Financial Independence, Retire Early，簡稱FIRE，係一種以經濟獨立，提早退休為目標，重視幸福感多於物質嘅生活方式🥰。FIRE 最大嘅好處就係無需高薪厚職，都可以做到提早退休嘅方法，普通人都可以實現到，不過代價就係較為貧乏嘅物質生活🍵。

2️⃣如何做到FIRE?🧐

想實現FIRE就需要跟隨2個重要規則: 自由數字、4%法則。自由數字就係先計算自己嘅年支出，再將佢乘以25，咁就係自由數字。當你儲到依筆錢之後就需要將佢投入一個安全且穩定嘅投資渠道，若每年可以得到至少4%收入，就可以藉此應付日常支出。以每月支出HKD$5000為例，年支出就係$60000，自由數字就係$1,500,000, 只要將佢投資並且每年獲利4%，就可以每年有$60000以應付日常支出。

3️⃣點樣快速儲到自由數字?💰

想儲到自由數字就需要通過增加收入或減少支出來最大化存款比率。傳統嘅理財建議係將每月10-15%嘅收入儲起，當作退休後嘅生活費💵，但係要實現FIRE就需要儲起75%嘅收入，咁樣每工作一年就可以儲起3年嘅生活費，亦都意味住你可以以更短時間儲到退休金。以上面嘅例子嚟講，如果你每個月有$20000薪金，咁你只需要工作8-9年，就可以儲到自由數字，提早退休。

4️⃣FIRE有咩限制?🙅🏻‍♂️

現時坊間都有唔少理財專家都批評FIRE太天真，因為如果依種退休方法唔能夠應付意外，而且冇考慮通貨膨脹，單靠4%法則恐怕難以應付一生嘅支出; 而且75%儲蓄率對唔少基層市民嚟講係天方夜譚，只有高收入人士先可以做到FIRE。

5️⃣FIRE族嘅不同型式💁🏻‍♂️

FIRE一族雖然都係抱住一樣嘅信念，但係唔同人都有唔同嘅FIRE模式，有啲人係”瘦FIRE”，佢哋過住簡約嘅生活，節衣縮食，減少娛樂支出，以減少自由數字; 亦有人係”肥FIRE”，一邊維持原有嘅生活質素，一邊投資，增加不同渠道嘅收入，以增加收入嚟提早實現FIRE; 仲有人係”半FIRE”，退休後繼續做Part Time，以獲得額外收入。

唔知道同學仔睇完之後仲想唔想FIRE呢? 其實FIRE唔一定係節衣縮食，想提早退休，最重要係儘早做好財政規劃，養成儲蓄嘅習慣，並且學習投資，為自己將來鋪路。

🤓如果你有處理財務問題嘅疑問，聯絡我哋客服同事溝通下啦！
📞CS Hotline : 2111 0991
📱Whatsapp : 9456 1311