股市低迷 點解有人會咁開心？

買咗股票就日日睇住佢升定跌，咁大壓力？唔好啦！🥴其實股票市場有升有跌好正常，投資係長遠發展，短期波動係少不免㗎！點解有啲人見到股市跌仲咁開心？😰

好多人見到股市開始跌就會好驚📉，即刻退市止蝕，如果淨係關注短期波動嘅投資者，最終可能會出現「高買低賣」。相反，如果你長期投資，股市通常最終都會有上升趨勢📈，所以忍吓手啦！唔好見到跌少少就放呀！😌

市場低迷=趁機吸納😎

你諗吓，咁多人呢個時候放股票，你就可以用好平嘅價錢，買入股票。當然你要睇吓個股票係咪仲有潛力升返啦！如果公司就嚟清盤，你就梗係唔好買啦！😟

就好似買生果咁，個🍊未爛，只不過啲人唔鍾意食，賣出嚟，你鍾意咪買；個🍊發晒毛，梗係唔好買啦！自己識諗啦！😌

定期投資就唔會因為市場波動而動搖，如果你定期定額投資，會喺價格較低嘅時候買入較多股票，價格較高嘅時候買入較少股票，咁樣可以平穩應對投資嘅波動，均衡買入股票嘅平均價格。🤓