CV加分位

過咗聖誕節，相信唔少應屆畢業生都要開始執CV同apply full-time job喇～

睇下自己嘅GPA，3.2/3.3，甚至唔過3，打定輸數同唔到人爭份好工？咁就太快放棄了，其實公司請人唔只係睇candidates嘅GPA，要知道GPA只係個數字，你可以係其他方面突出自己，吸引僱主！

💡list多啲自己嘅課外活動經驗，好似義工、兼職、上莊等，係呢啲位可以show俾僱主睇你唔單止識讀書，仲有多方面嘅發展同經驗，溝通技巧、人際關係、性格培養唔係書本上可以讀到嘅！

💡最重要係實習經驗，俾僱主知道你有親身實踐經驗，有體驗過社會工作總好過死讀書，有過呢啲經驗嘅後生仔總好過乜都唔識、淨係識背書嘅傻豬豬啦，自信啲show俾僱主知你返intern學過嘅嘢，拋啲社會人先識嘅專業用詞令你嘅interview同其他人都唔同啲！不過要留意適可而止，唔係就令人反感㗎啦~

💡list多啲自己嘅特別技能，講嘅唔係打速成倉頡、microsoft呢啲喎，呢類basic嘢就係大學生都識㗎啦，學多啲專業嘅技能去增值自己，好似剪片、整網頁、programming、ielts呢類，即刻會令自己嘅creativity同才能突圍而出！