美容及個人護理

素顏戴口罩但雙眼好頹! 即試韓式角蛋白魔睫術啦

喺疫情咁嚴峻嘅情況下，要日日戴住口罩，女生們真係連妝都可以唔洗化就素顏咁出街，每朝早慳返唔少時間啦！但係其實雙眼無神，就算遮咗大半塊臉都睇得出你哋嘅攰！想每日都可以素顏但係雙眼bling bling咁出街👀✨，咁就要留意以下嘅介紹啦！

話說小編早2日去咗AquaAurum度試做咗韓式角蛋白魔睫術，呢個同以前嘅植眼睫毛最唔同嘅分別係唔洗黐啲假睫毛上眼，而直接用返自己嘅睫毛！再加上喺真睫毛度搽埋純天然成份嘅精華液，令到睫毛睇落更濃密更黑同捲翹，效果都維持到6-8星期架！

上到去AquaAurum見環境都幾舒服，呢度人少少又夠晒靜！就算肺炎呢排上去做treatment都無咁驚，啲staff都有戴晒口罩又夠nice，仲有埋消毒搓手液俾客人用！

韓式角蛋白魔睫術成個療程大約75分鐘
👉🏻首先會係做咗眼部清潔同睫毛軟化
👉🏻之後就會固定睫毛嘅翹度，可以選擇返自然少少或者你哋鍾意好翹都得
👉🏻最後就係搽埋純天然成份，含有豐富蛋白質嘅增長精華液

成個過程都好舒服，配合埋房間入面柔和嘅燈光同音樂，真係好易就瞓著咗！加上做嘅時候啲staff手勢都好好，喺75分鐘入面都無咩好大嘅感覺或者唔舒服。小編就唔小心都瞓著咗一陣！瞓醒都啱啱好完成個療程啦！

做完已經即時睇到個效果啦，好自然嘅感覺呀！加上搽咗啲精華液喺睫毛度，睇落好似隻眼大咗，有精神咗咁！好似已經搽咗mascara同畫咗眼線！依家出街真係就咁素顏戴口罩，都唔俾人感覺到無神同埋頹啦！
韓式角蛋白魔睫術真係啱晒一眾懶得化妝又想靚靚咁出街嘅你哋啦！仲唔快啲去試下！

而家做埋Zwap Wallet會員，就可以喺AquaAurum享用Zwap獨家優惠免費試做一次 (原價$980)！只要你成功做齊以下3樣嘢就用到嗰優惠啦！
1. 下載Zwap Wallet
2. 登記及驗證成為會員
3. 開通循環貸款帳戶

如何兌換優惠:
1. 選擇你想兌換嘅優惠
2. 按“新增至兌換車”
3. 去返兌換車
4. 按“換領”
5. 剔選同意條款及按“兌換”
咁就兌換成功啦，到時去到店鋪show返兌換咗嘅QR code俾Staff scan就用到優惠啦！