Hello, I am Charmaine.

大家好！我叫Charmaine，啱啱喺PolyU畢業，依家翻緊full-time。

可能好多人會好好奇︰點解grad咗做緊full time都會嚟參加依個比賽？😮

主要就係想突破自己！雖然好似好行咁，但係真；以前做學生嘅時候總係覺得仲有好多時間去試唔同嘢，不經不覺浪費咗好多時間🥲無機會去表現自己突破自己，跳出自己嘅舒適圈。

翻咗full time之後就覺得唔想人生淨係得工作，想有啲機會去做吓唔同嘢，見識一吓，識多啲唔同嘅人，擴闊自己嘅社交圈子。如果成為咗Zwap嘅代言人，我好希望可以將自己嘅經歷分享比大家聽，生活唔應該淨係得翻工作，應該去揾多啲你想做嘅嘢，去增值自己。💪🏻

大學嘅時候參加好多好多活動係在所難免，又住hall，加上又想學其他嘢，洗費好大💸

所以我體會到，其實由細開始學習理財係好重要，明白大學時期可能part time賺嘅錢唔係好多，突如其來可能要自己負擔宿舍嘅費用都頗為吃力，我哋要揾一個好嘅途徑應付到依筆資金之餘，仲好好利用。