Hello, I am Hayes.

image

Hello 大家好!我叫啊曦,岩岩係嶺南大學Marketing 畢業,依家做緊演員,有拍攝同參與舞台劇。🎥😙

其實當初見到post個陣已經係最後一日deadline,但係都好猶豫參唔參加好,唔知自己有無呢個能力同資格去做ambassador,但係後來又會諗,未試過又點知結果?😉

我一直好希望可以挑戰到自己,其實作為一個演員,應該盡量嘗試去體驗多啲,咁先可以係生活上有更加多嘅感受;而參加Zwap呢個活動,亦都可以增進我對理財上嘅知識,了解多啲finance上我唔知道嘅領域,同埋體會一個影響大專生嘅角色,有咩野責任同義務,所以就嚟咗參加比賽!💪

如果我成為左Zwap 代言人,我會想知道多啲唔同界別人士係金錢上嘅需要,盡量用我嘅能力去幫助佢哋;因為我細個經濟能力比較有限,有咩想買都要諗過度過,大個之後賺咗錢,開心得滯又洗晒,本身都唔覺得有問題,但係,屋企有一日突然急需用錢,先發現我洗曬自己啲錢,根本完全幫唔到手,好無力,好無助,好不知所措🥲

因此依件事,我體驗到識用錢真係好緊要,無論係理財,定係投資係需要嘅地方,都要用到金錢。「錢唔係萬能,但係無錢真係萬萬不能!」係我哋成長路上需要面對嘅一個課題。🧐

我希望可以令更加多人了解到點樣可以善用金錢,佢哋了解到有更多嘅理財選擇,去到有需要嘅時候,先唔會有咁大嘅無力感,先會有更大自由!💡

希望大家都多多支持我,比機會我去成就更多同學嘅成長啦!☺️