飲食

今期介紹返一個高質樓上西餐廳比大家！
Little Fresh Cafe & Bar 作為一間樓上餐廳，入面環境氣氛清靜，岩哂情侶同三五知己黎呢間cafe度撐枱腳同埋gathering?
Little Fresh Cafe & Bar 位於油麻地，餐廳喺鬧市中嘅高層，坐喺窗邊嘅客人從高處俯瞰香港嘅繁華鬧市， 更加會為呢餐西餐添一番風味！ 除此之外，餐廳仲有幾個打卡位架
1. 文青吊椅
位於餐廳角落嘅文青吊椅最岩文青女仔去影相！
2. Barista Corner??
通常Barista 嘅位置都會比較遠，無咁親近客人。而Little Fresh Cafe & Bar 呢度就可以比客人睇住Barista 係點樣去沖野飲同埋整cocktail，見到佢地整野飲嘅過程你會範得好治癒??
3. 飛標機
我地知道好多酒吧都會有飛標機，但估唔到呢間西餐廳都有！?想食完飯同朋友一齊鬥下邊個眼界好d就可以喺Little Fresh Cafe & Bar 度試下啦！

到食物環節啦，第一道菜我地叫咗餐廳嘅招牌菜式黎試試
首先係個餐湯 – 南瓜野菌湯。
呢度嘅南瓜野菌湯絕對無偷工減料，啖啖都係一片片嘅菇同埋濃郁嘅南瓜鮮甜味，值得一試呀！

主菜我地就叫咗白酒煮蜆同埋煙燻迷迭香雞翼?

煙燻迷迭香雞翼真係餸如其名，餸未黎到已經聞到陣陣嘅迷迭香味啦，侍應拎到埋黎個時真係一陣陣既煙係碟雞翼上面湧哂出黎！女士們喺開餐之前仲可以相機食先，真係打卡之選！

至於左白酒煮蜆。呢間餐廳用咗泰式煮法嚟整，淡淡嘅酒香味散發出嚟，配合住蜆肉本身嘅鮮味，認真好食！但由於本身白酒煮蜆嘅份量比較少，只係岩1－2人食。如果係一班friends去食嘅話可能就要嗌多一份先夠！

而家成功下載同驗證咗做埋Zwap Wallet嘅會員就可以享用到以下嘅優惠啦！
優惠：凡星期一至四消費滿$300,均可即時獲得小食一份
P.S. 展示返你個Zwap Wallet會員帳戶畀staff睇就用到呢個優惠架啦。

記得只限會員呀，快啲下載同登記成為Zwap Wallet會員啦！