整合強積金戶口

相信大家就算返Part-time都會有機會要供強積金，唔同公司都可能會用唔同嘅強積金受託公司，如果有太多户口管理起上嚟就會好麻煩，特別係喺依家呢個經濟環境下更加要好好管理😵咁如果想整合強積金户口又可以點做呢？

第一步：要搵番你自己嘅強積金計劃名稱同埋帳戶號碼，最簡單嘅方法就係睇番強積金受託人寄比你嗰封信，因為通常都會提供返呢兩樣資料。另外，可以登入番你網上強積金帳戶或打去向強積金受托人問返。如果呢啲方法都唔得嘅話，就可以寄返個人帳戶資料查詢表格去積金局啦～

第二步：當你成功獲得以上兩項資料嘅時候， 你就可以揀一間自己信任嘅強積金受託公司，整合自己嘅戶口。呢個時候你應該考慮選擇一啲符合你投資需求嘅強積金計劃同基金組合，同埋要考慮呢間強積金受託公司係咪有足夠嘅選擇畀到你，同埋都要考慮番基金管理費同其他收費，因為咁樣對你嘅基金正回報係有一定嘅影響㗎！

第三步：當你選擇左合適自己嘅強積金受托公司之後，就可以填番計劃成員整合個人帳戶申請表，再交俾你嘅強積金受托人。當申請收妥兩至三個星期之後，你就會收到你嘅前受托人寄俾你嘅「轉移結算書」同埋新受托人寄俾你嘅「轉移確認書」

俾個溫馨提示大家！當你進行基金計劃比較嘅時候，記得係一定要比較同一類型嘅基金啊！